គ្រូកម្សត់
ធ្វើគ្រូពីរឆ្នាំ ខំគិតល្អិតល្អន់ ប្រឹងប្រែងបង្រៀន ស្រាវជ្រាវច្រើនដង មើលគ្រប់មេរៀន ក្រែងសិស្សយល់បាន ខិតខំរៀនសូត្រ។ រាលថ្ងៃរាល់ព្រឹក ខំភ្ញាក់រលឹក ក្រោកពីព្រលឹម បាយមិនទាន់ញ៉ាំ ប្រឹងប្រែងញញឹម ឱ្យសិស្សសង្ឃឹម ថាគ្រូចិត្តល្អ។ ដល់ពេលឥឡូវ សក់ឡើងជិតស្កូវ គិតចង់បានគូ ក្រឡេកទៅគេ គ្មានអ្នកនៅយូរ គេបានរកគូ ការអស់ទៅហើយ។ អង្គុយសញ្ចឹង បៀវត្សន៍ឆ្នាំហ្នឹង ចាំបើកចុងខែ ហាហុុកសឹបម៉ឺន ច្រើនលេខណាស់ដែរ សរុបស្រាប់តែ ពីរពាន់ដុល្លារ។ គ្រូអើយអើយគ្រូ បង្រៀនយ៉ាងយូរ បានតែប៉ុណ្ណឹង ស្រលាញ់កូនគេ មិនហ៊ានដណ្តឹង លាកូនកាត់ចិន នាងយកគេចុះ។ នេះជីវភាពគ្រូ បង្រៀនយ៉ាងយូរ ខ្វះព្រឹកខ្វះល្ងាច ប្រាក់ខែមិនគ្រប់ ខិតខំត្បិតត្បៀត ក្នុងចិត្តចង្អៀត លែងចង់ធ្វើគ្រូ។ ដោយលោក វីឡា