ស្ទឹងកែវ - លោកស៊ីន ស៊ីសាមុត

I.    ស្ទឹងកែវ ហូរទៅឆ្ងាយណាស់ហើយ 

កែវបងអើយ ភ្លេចរៀម ហើយឬស្នេហា ?

      ហត្ថដែល ធ្លាប់ថ្នាក់ថ្នមកាយា វេលានិទ្ទ្រា កណ្តាលព្រៃ ។

II.   ស្ទឹងកែវ ធ្លាប់តែច្រៀងបំពេ 

ក្រោមដួងខែ ឲ្យគូស្នេហ៍ភ្លេចទុក្ខភ័យ

      ថ្ងៃនេះ ស្ទឹងហូរគ្មានប្រណី ចោលព្រៃ ដែលស្រីធ្លាប់រស់នៅ ។

R.   ស្តាយតែ សម្រស់វង់ភក្ត្រា ស្តាយភ្នួងកេសា ធ្លាប់កើយភ្លៅ 

ស្នាមខាំ ក្តិចខ្ញាំនៅក្រឡៅ

      កោតតែចិត្តស្រីពៅ ហូរទៅ គ្មាននឹកនា ។

III. ស្ទឹងកែវ កែវកុំហូរធ្វើអ្វី 

គួរប្រណី ដល់បក្សីដែលកំព្រា 

ធ្លាប់បាន ជួបភក្ត្រកែវពុំងា  គ្រប់គ្រា ដែលគ្នាមកកំសាន្ត៕