តាមការស្រាវជ្រាវមួយបានបង្ហាញឱ្យឃើញថា អ្នកត្រូវចំណាយពេលយ៉ាងតិច ១០០០ម៉ោង ដើម្បីក្លាយជាអ្នកពូកែ (expert) ទៅលើជំនាញ (skill) អ្វីមួយ។ អ្វីដែលជាគន្លឹះសម្រាប់ឈានទៅដល់កំរិតពូកែនោះ គឺការអនុវត្តន៍ម្តងហើយម្តងទៀត។ ប៉ុន្តែសំណួរនៅថ្ងៃនេះគឺ តើអ្នកពិតជាត្រូវចំណាយពេលវេលា១០០០ម៉ោង ដើម្បីយល់ដឹងពីជំនាញថ្មីមួយឬ? លោក Josh Kaufman (ចូស កាហ្វមែន) ឆ្លើយថា វាមិនពិតឡើយ។ តាមការពិត អ្នកចំណាយពេលត្រឹមតែ ២០ម៉ោងប៉ុណ្ណោះ។ យល់ដឹងពីជំនាញថ្មីមួយនៅត្រង់នេះ គឺរៀនចេះដឹងពីមូលដ្ឋានគ្រឹះ និងដើម្បីប្រាកដថាអ្នកមានគំនិត (concept) សម្រាប់អភិវឌ្ឍន៍ខ្លួនឯងទៅថ្ងៃមុខ។ អ្នកគ្រាន់តែប្រើប្រាស់២០ម៉ោងដំបូងក្នុងការអនុវត្តន៍ ឱ្យឆ្លាតវៃតាម៤ជំហ៊ានដូចខាងក្រោម៖
- ស្វែងរកអ្វីដែលអ្នកចង់ធ្វើពិតប្រាកដ៖ ដំបូងអ្នកត្រូវដឹងពីមូលដ្ឋានគ្រឹះនៃអ្វីដែលអ្នកចង់ធ្វើ ដើម្បីអនុញ្ញាតឱ្យអ្នកអាចចាប់ផ្តើមធ្វើវាបាន និងអនុវត្តន៍វាបាន។ ជាទូទៅ អ្នកតែងតែគិតថាជំនាញមួយ តំរូវឱ្យអ្នកចេះគ្រប់ច្រកល្ហក សម្រាប់ធ្វើវា តែអ្វីដែលអ្នកត្រូវធ្វើពិតប្រាកដនោះ គឺអ្នកត្រូវដឹងពីចំនុចគោលសំខាន់ៗទៅវិញទេ
- ដឹងពីកំហុស និងរៀនចេះកែតម្រូវខ្លួនឯង៖ អ្នកគប្បីរៀនឱ្យដឹង ថាអ្វីខុស អ្វីត្រូវ ហើយពេលអ្នកខុស អ្នកត្រូវកែតម្រូវវាយ៉ាងដូចម្តេច
- យកចិត្តទុកដាក់៖ ផ្តោតអារម្មណ៍តែទៅលើរឿងមួយ គឺអ្នកគប្បីជៀសវាងពីការរំខានផ្សេងៗនៅពេលអ្នកអនុវត្តន៍ជំនាញថ្មី
- អនុវត្តន៍យ៉ាងតិចណាស់២០ម៉ោង៖ ចាប់ផ្តើមអនុវត្តន៍ម្តងហើយម្តងទៀតយ៉ាងតិចណាស់ ២០ម៉ោង នោះអ្នកនឹងមានអារម្មណ៍ថាចាប់ផ្តើមស្គាល់ជំនាញថ្មីនោះ។
អ្វីដែលជាឧបសគ្គក្នុងការរៀនជំនាញថ្មីនោះ គឺមិនមែនដោយសារអ្នកមិនចេះឡើយ គឺដោយសារអ្នកមានអារម្មណ៍ថាអ្នកមិនអាចធ្វើវាបាន អ្នកខ្លាចវាប៉ុណ្ណោះ។ ដូច្នេះ សូមមានទំនុកចិត្តក្នុងការធ្វើអ្វីមួយ បើទោះជាវាថ្មីសម្រាប់អ្នកក៏ដោយ! ពេលនេះ អ្នកនៅខ្លាចរៀនជំនាញថ្មី មិនចេះទៀត?
Comments
Post a Comment