ម៉ូតនាឡិកាដៃដែលអ្នកចូលចិត្ត អាចប្រាប់រឿងរ៉ាវចិត្តគំនិតរបស់អ្នកបាន។ សាកក្រឡេកមើលខ្លួនអ្នក និងអ្នកនៅជុំវិញខ្លួនអ្នកទៅមើល ថាតើអត្ថបទនេះ និយាយត្រូវឬយ៉ាងណា។
នាឡិកាមានដាំពេជ្រ
មនុស្សដែលពាក់នាឡិកាមាសដាំពេជ្រ ឬនាឡិកាស្អាតសង្ហាពណ៌មាស ឬមានដាំពេជ្រ ជាមនុស្សដែលមានមហិច្ឆិតាខ្ពស់ ស្រលាញ់ភាពហ៊ឺហា សំបូរបែប ស្វែងរកសេចក្តីសុខនឹងជោគជ័យក្នុងខ្សែរជីវិត។ ក្រៅពីនេះថែមទាំងជាមនុស្សហ៊ានសម្តែងចេញ និងឧស្សាហ៍។
នាឡិកាកីឡា
អ្នកជាមនុស្សខ្នះខ្នែងជានិច្ច ក្នុងរឿងដែលខ្លួនចាប់អារម្មណ៍ប៉ុន្តែក្នុងករណីពេលធម្មតា តែបណ្តោយខ្លួនឯងសប្បាយៗ មិនខិតខំប៉ុន្មានទេ ទោះបីចង់ដឹង ឬចូលចិត្តរឿងភ្ញាក់ផ្អើលប៉ុណ្ណាក៏ដោយ។
នាឡិកាដែលមានតួលេខ
មនុស្សដែលចូលចិត្តពាក់នាឡិកាដែលមានតួលេខប្រាប់ពីម៉ោង ១ ដល់១២នោះ មាននិស្ស័យទន់ជ្រាយ ស្រលាញ់តន្ត្រី សិល្បៈ ឆ្លាត។
នាឡិកាគ្មានតួលេខ
មនុស្សដែលចូលចិត្តពាក់នាឡិការដែលមានគំនូសប្រាប់ម៉ោង ជំនួសតួលេខ ជាមនុស្សដែលមានបុគ្គលិកលក្ខណៈធម្មតា មាននិស្ស័យចិត្តថ្លើមជាមិត្តជានិច្ច មានការគិតដែលជារបស់ខ្លួនឯង មិនចូលចិត្តការឈ្លោះទាស់ទែងជាមួយអ្នកណាទេ។
នាឡិកាតួលេខរ៉ូម៉ាំង
ជាមនុស្សដែលមាននិស្ស័យចិត្តថ្លើម សុភាពរាបសាទន់ភ្លន់ តែក៏មោហោអាក្រក់ដែរ។ អ្នករមែងអស់សង្ឃឹមនូវជីវិតដ៏សំបូរបែប ហើយឆាប់តឹងតែងនៅពេលគ្រប់យ៉ាងមិនបានដូចបំណង។ អ្នកជាមនុស្សល្អិតល្អន់ យកចិត្តអ្នកដទៃបានងាយ ស្រលាញ់ភាពស្រស់ស្អាត ស្រលាញ់កិត្តិយស បុណ្យសក្តិ ចូលចិត្តប្រមូលអារម្មណ៍ជានិច្ច។
មិនចូលចិត្តនាឡិកា
ប្រើសិនបើនៅកដៃរអ្នកគ្មាននាឡិកាពាក់ទេ សម្តែងថាអ្នកមិនចូលចិត្តពាក់នាឡិការទេ។ អ្នកជាមនុស្សដែលស្រលាញ់ឥស្សរៈភាពខ្ពស់ មិនព្រមឱ្យរឿងផ្សេងៗមកពាក់ព័ន្ធ ឬដំណើរជីវិតរបស់ខ្លួន មានភាពឆ្លាតចូលចំណោមមនុស្សបានងាយ តែពិបាកនឹងគេបានយល់ចិត្តឱ្យជ្រាលជ្រៅបន្តិច។
ចូលចិត្តនាឡិការបំផុត
អ្នកដែលចូលចិត្តពាក់នាឡិកា ជាងគ្រឿងប្រដាប់ប្រភេទផ្សេងៗទៀត ដូចជាចិញ្ជៀន កងៃ ខ្សែក ជាមនុស្សដែលមានការចាប់អារម្មណ៍ និងឈ្លក់វង្វេងចំពោះនាឡិកា។ អ្នកមានភាពមានៈ អត់ធន់ខ្ពស់ រ៉ូមែទិក តែការសម្តែងចេញនោះ តែងប្រឆាំងនឹងចិត្តគំនិតខ្លួនឯង ដូចជាមនុស្សចចេសរឹងរូសទៅវិញ៕
Comments
Post a Comment