​មូលហេតុនៃការចោះត្រចៀករបស់​នារីខ្មែរ

ប្រទេសខ្មែរតាំងពីដីដើមរៀងរហូតមក តែងប្រកាន់យករបបមួយ គឺរបបមាតាធិបតេយ្យ។ ដូចនេះ គេ​តែង​ចាប់​អារម្មណ៍​ណាស់​ទៅលើនារីភេទ តាំងពីការនិយាយស្តីរបៀបរបបដើរហើរ ស្លៀក​ពាក់ ម្ហូបចំណី ការតុបតែងគេហដ្ឋាន រហូត​ដល់​ការ​តុប​តែង​ខ្លួន​ថែម​ទៀត។

សំរាប់ស្រ្តីខ្មែរតាំងពីរតូចរហូតដល់ចាស់មានប្រពៃណីមួយ គឺការចុះត្រច្រៀក។ គេឆ្ងល់ថា ហេតុអ្វី​បាន​ជានាំ​ឲ្យមាន​ការ​មានការនិយាយ​បែបនេះ? បុព្វហេតុគឺមានសេចក្តីដំណាលថាៈ កាលពីព្រេងនាយមានកុដុម្ពីក៍មា្នក់ ជា​អ្នកមានទ្រព្យសម្បត្តិស្តុកស្តម មានខ្ញុំដំដរប្រុសស្រី​ជាច្រើននាក់​ មាន​មាស​ពេជ្រ​កែវ​កង​ពិទូរ្យសូរ្យកាន្តសព្វបែបយ៉ាង។ គាត់ មានចិត្តក្បត់នឹង ភរិយាខ្លួនហើយទៅ សាហាយស្មន់ នឹងខ្ញុំស្រីមា្នក់ (អ្នកបំរើស្រី)។ ក្រោយមកភរិយាដឹងរឿង ហើយមានបំណងធ្វើបាបអ្នកបំរើនោះ។ថ្ងៃមួយប្តីទៅស្រុកឆ្ងាយពេញ ១ថ្ងៃ ប្រពន្ធមានឱកាស ក៏នាំអ្នកបំរើស្រីៗឯទៀតទៅចាប់នាងស្រី ជាសាហាយរបស់ប្តីទៅធ្វើ បាបដោយវាយដំច្រំថាក់ និំងជេរប្រទេចច្រាស់ឆ្អេះ រួចយកដែកគោល មកបោះត្រង់ស្លឹកត្រចៀកទាំងពីររបស់នាង ហើយទុកចោលលើផ្ទះនោះទៅ។ ពេលល្ងាចកុដុម្ពីក៏វិលមកផ្ទះវិញ ឃើញដូច្នោះសួរទោសាហាយថា៖ “ ហេតុយ៉ាងណា បានជាគេធ្វើបែបនេះ? ” ។ នាងបានរ៉ាយរប់តាមដំណើរពិតប្រាប់ប្តីៗ ក៏ដក​ដែកគោលចេញ​ហើយព្យាបាលរបួសឲ្យនាងជាប្រពន្ធ  ហើយឲ្យទៅនៅផ្ទះមួយនៅឆ្ងាយពីគ្នា។

តាំងពីពេលនោះមកនាងជាសាហាយមានសេចក្តីអៀនខ្មាស់គេណាស់ ព្រោះ​ត្រចៀក​ខ្លួនមាន​ប្រហោងចេះតែនិយាយនឹងប្តីឲ្យរកមធ្យោបាយធ្វើយ៉ាងណាឲ្យបាត់ស្នាម ដើម្បី​កុំឲ្យគេ​ឯងមើលឃើញ។ ក្រោយពេលដេកគិតរិះរកមធ្យបាយមក គាត់​បានបញ្ជា​ឲ្យជាង​ទងធ្វើ​អលង្ការដាំត្បូងពេជ្ញរំលេចដោយក្បួរក្បាច់រចនាផ្សេងៗយ៉ាង ល្អវិចិត្រគួរឲ្យពេចពិលរមិលមើល។  ក្រោយពីពាក់គ្រឿងលំអត្រចៀកបែបនេះមកឃើញថា នាងមានសំរស់ល្អប្លែក នាំឲ្យនាងមានចិត្តរីករាយក្រៃលែង។ ភរិយាដើមដឹងរឿងក៏រកមធ្យោបាយចោះត្រចៀកខ្លួន ហើយឲ្យជាងធ្វើដូចប្រពន្ធចុងដែរ។ នេះហើយជាបុព្វហេតុដែលនាំឲ្យនារីៗចេះត្រចៀត។ តែបច្ចុប្បន្នគេពុំចាំបាច់ចោះត្រចៀកទេ ព្រោះឧបករណ៍ និងបច្ចេកទេសសព្វថ្ងៃជឿនលឿន និងទំនើប គេពាក់គ្រឿងលំអត្រចៀកពុំចាំបាច់ចោះត្រចៀកឡើយ គឺពាក់ទៅជាប់ដូចជាការចោះដែរ៕

សំណួរចម្លើយវប្បធម៌ទូទៅ

ដោយសាស្ត្រាចារ្យ ឡុង សារិន