កញ្រ្ជោង និងពពែ
ដោយគ្រោះអាក្រក់ កញ្រ្ជោងបានធ្លាក់ចូលក្នុងអណ្តូងជ្រៅមួយដែលវាមិនអាចនឹងហក់ចេញបានឡើយ។
ភ្លាមៗនោះ ក៍មានសត្វពពែមួយបានឆ្លងកាត់ ហើយវាសួរទៅកញ្រ្ជោងនោះថា តើលោកកំពុងធ្វើអ្វីនៅក្នុងអណ្តូងនេះ?
"អូ...!តើអ្នកមិនបានដឹងរឿងទេអី? មិនយូរប៉ុន្មានទៀតទេ នឹងមានគ្រោះរាំងស្ងួតយ៉ាងធំមួយកើតឡើង។
ដូចនេះ បានជាខ្ញុំលោតចុះមកក្នុងអណ្តូងនេះ ដើម្បីមានទឹកនៅជិតខ្លួនស្រួលប្រើប្រាស់!ហើយហេតុអ្វីមិត្តមិនលោត
ចុះមកទាន់មានកន្លែងទំនេរ?" កញ្រ្ជោងនិយាយ
ពពែគិតថា ដំបូន្មាននេះពិតជាល្អមែន វាក៍លោតចុះមក ប៉ុន្តែកញ្រ្ជោងបានលោតមកលើខ្នងពពែយ៉ាងរហ័ស ហើយបន្តមកជាន់លើស្នែងយ៉ាងវែងរបស់ពពែទៀត រួចក៍លោតចេញពីអណ្តូងនោះទៅ។
"លាសិនហើយណាមិត្ត ថ្ងៃក្រោយត្រូវចងចាំផង"
កុំចេះតែជឿនូវដំបូន្មានរបស់មនុស្ស ដែលខ្លួនគេកំពុងស្ថិតនៅក្នុងគ្រោះថ្នាក់!
អ៊ីសូព
Comments
Post a Comment