ជនធ្វើគុណ
មានរឿងមួយដំណាលថា មានបុរសកំសត់ម្នាក់ បានចាកចេញពីស្រុកកំណើត នឹងចេញជួញនៅស្រុកឆ្ងាយ។ សំណាងមិនល្អ បុរសនោះ ត្រូវចោរប្លន់អស់ទ្រព្យសម្បត្តិ ធ្លាក់ខ្លួនជាជនអនាថា រកប្រកបរបរអ្វីពុំបាន។ នៅតាមផ្លូវ បុរសកំសត់ឃើញនារីម្នាក់ និងអ្នកហែរហមម្នាក់ដើរមក។
ពេលនាងដើរមកដល់ បុរសកំសត់ក៏និយាយ៖ "អត់ទោស អ្នកនាង! ខ្ញុំមកពីស្រុកឆ្ងាយ ខ្ញុំចរមកដល់ត្រឹមនេះ ហេវហត់ ស្រេកទឹក អស់កម្លាំងខ្លាំងណាស់ ទៅមុខទៀតមិនរួចទេ"។ នារីលឺដូចនេះ ក៏ជូនផ្លែឈើបុរសកំសត់ពិសារ។ បុរសកំសត់ក៏បន្ត៖ "អរគុណណាស់អ្នកនាង! អ្នកនាងចិត្តល្អណាស់! តើខ្ញុំត្រូវធ្វើដូចម្តេច នឹងសងគុណនៅពេលក្រោយ"។ នារីក៏ពោលថា៖ "ផ្លែឈើនេះ ខ្ញុំជូនដោយសុទ្ធចិត្ត ខ្ញុំមិនចង់បានអ្វីតបស្នងនៅពេលក្រោយឡើយ"។
ជនណាធ្វើគុណ ឬដាក់ទានដោយចង់បាននូវការសងគុណ គឺមិនហៅថាធ្វើគុណ ឬដាក់ទានឡើយ។
ពី៖ ហាណា
Comments
Post a Comment