ពាក្យបណ្ដៅ - ភាគ១៥
 |
| ឥន្ធនូ |
ឈើកោងរំលងភ្នំ ត្រដេវ៉ិចយំ ជ្រងស្រងាត់ (ឥន្ធនូ)
ញល់ៗផើម សើមជោកដកចេញ (ចុកថ្នាំជក់)
ញ៉ឹងត្រចៀក រាកអាចម៍ (កិនម្សៅ)
ដើមវាប៉ុនសរសៃអំបោះ ស្លឹកវាកញ្ឆេះកញ្ឆោះ ផ្លែវាចាក់ក្បាច់ (ម្រះ)
ដូងមួយចំណិត ចិតទើ (លោកខែ)
ឧបមាន (ទំហៀបន័យ)
ឧបមាន ជាវិធីមួយសម្រាប់បង្កើតរូបារម្មណ៍។ គេលើកយកសត្វ វត្ថុ មតិពីរ ឬច្រើនដែលមានលក្ខណៈប្លែកគ្នា។ ស្រដៀងគ្នា ទៅប្រៀបធៀបគ្នា ដោយប្រើសំនួនប្រៀបធៀបលក្ខណៈដូចគ្នា និងខុសគ្នា។ សំនួនប្រៀបធៀបលក្ខណៈដូចគ្នាមាន៖ ដូច ដូចជា ប្រៀបដូច បីដូច ឧបមាដូច ស្មើ រូ រូហាន...។ សំនួនប្រៀបធៀបលក្ខណៈខុសគ្នាមាន៖ មិនដល់ មិនមែន មិនដូច មិនស្មើ ពុំដូច ពុំស្មើ ជាងលើស...។ ឧបមានមានពីរយ៉ាងគឺ ឧបមានស្រប និងឧបមានបដិសេធ។ ឧបមានស្រប នៅក្នុងគុម្ភស្រូវនោះ មានផ្កាត្រកួនពណ៌ស្វាយ ផ្កាក្រជីពពណ៌ក្រហមឆ្អៅ ផ្កាអញ្ចាញពណ៌លឿនដូចមាសឆ្អិន លាយឡំត្រង់នេះបន្តិច ត្រង់នោះបន្តិច។ បុប្ឆាទាំងឡាយ ហាក់ដូចជាឧប្បត្តិកឡើង សម្រាប់ជាគ្រឿងលម្អនៃសំពត់ព្រំបៃតង ដែលលាតសន្ធឹងក្រោមមេឃស្រកានាគ និងក្រោមរស្មីនៃព្រះសុរិយា។ (ដកស្រង់ចេញពី រឿងផ្កាស្រពោន ) ផ្កាអញ្ចាញពណ៌លឿង ជាអង្គបង្គោលដែលជាអង្គទីមួយនៃទំហៀប មាសឆ្អិន ជាទំហៀបដែលជាអង្គទីពីរនៃទំហៀប អង្គទាំងពីរនេះ ភ្ជាប់គ្នាដោយសំនួនប្រៀបធៀបលក្ខណៈដូចគ្នា ដូច បុប្ឆាទាំងនេះ ជាអង្គបង្គោល គ្រឿងលម្អ ជាអង្គទំហៀប អង្គទាំងពីរនេះ ភ្ជាប់គ្នាដោយសំនួនប្រៀបធៀបលក្ខណៈដូចគ្នា ហាក់ដូចជា...
Comments
Post a Comment