រសៀលគងភ្នំ - លោក ស៊ីន ស៊ីសាមុត

I) រសៀលគងភ្នំចិត្តយំមិនចេញ ចិត្តបងទន្ទេញតែឈ្មោះបុប្ផា

ស្រឡាញ់អូនណាស់ណាម្ចាស់ចិន្តា សេចក្ដីស្នេហាថ្លៃថ្លាកន្លង។

II) វាចាភ្នែកស្រីស្តីប្រាប់រឿងពិត ប្រាប់ថាស្នេហ៍ស្និទ្ធពិតលើរូបបង

រៀមយល់ច្បាស់ហើយណាស្រស់នួនល្អង តែកម្មពៀរបងចង់ពីអតីត។ 

III) ស្ដាយអើយសែនស្ដាយស្ដាយក្លិនបុប្ផា ស្ដាយចិត្តស្នេហាមិនបានរួមរឹត

ព្រោះបងមានគូប្រចាំជីវិត មិនអាចក្បត់ចិត្តខ្លាចកម្មវេរា។ 

IV) បុប្ផាក្រពុំបងមិនហ៊ានបេះ  មិនហ៊ានប្រឡេះខ្លាចផ្កាវេទនា

ស្រឡាញ់អូនណាស់ស៊ូទ្រាំគ្រាំគ្រា ជាតិក្រោយប្រាថ្នាជួបផ្កាម្ចាស់ស្នេហ៍។